Sahifa yuklanmoqda . . .


Sevgilim

Сен менинг орзум бўл,
Қўшиқ бўлиб янгра қалбимда.
Муқаддас бўй бўлгин,
Умри узун бўл,
Армон бўлиб қолма қалбимда!

Зангори бўшлиқларга шўнғи,
Юлдуз бўлиб порла, қувонай.
Сабо бўлиб эсгил тонгги —
Гўзаллигинг шавқига қонай.

Сени куйлаб ўтай…
Ҳур бўл,
Ёниқ қалбим бўлиб қол, гулим!..
Умримга мезон бўл,
Мақсад бўл,
Кўзларимга нур бўл, севгилим!..

1969

* * *

Булоққа бир умр қуримоқ ётдир;
У йиллаб курашиб тошларни ёрган.
Унинг ҳар қатраси — обиҳаётдир,
Унинг ҳар томчиси — туганмас армон.

* * *

Гоҳ тунлари ўйсиз ўтмайди,
Гоҳ қалбингга етмайди кучинг.
Жасоратинг ўзи етмайди,
Севаман, деб айтмоқлик учун.

1978


Ushbu she'rni nechta yulduzcha bilan baholaysiz?


Ma'lumot
13-Iyunda yuklangan

20 marta ko'rildi

0 kishi kutubxonasiga qo'shdi


Muallif
Amirqul Po'lkan

Amirqul Po'lkan

Batafsil


Yangi She'rlar Amirqul Po'lkan She'rlari Amirqul Po'lkan asarlari