Sahifa yuklanmoqda . . .


Ko‘nglum ichra dard-u g‘am…

Ko‘nglum ichra dard-u g‘am avvalg‘ilarg‘a o‘xshamas,

Kim, ul oyning hajri ham avvalg‘ilarg‘a o‘xshamas.

 

Ne sitamkim, rahmi maxfi erdi zimnida,

Emdi qilsa har sitam, avvalg‘ilarg‘a o‘xshamas.

 

Demangiz Shirin-u Layli oncha bor husn ichrakim,

Xo‘blikda ul sanam, avvalg‘ilarg‘a o‘xshamas.

 

Javridin erdi alamlar, emdi tutmish o‘zga yor,

O‘lmishamkim, bu alam, avvalg‘ilarg‘a o‘xshamas.

 

Ishq aro Farhod ila Majnung‘a o‘xshatmang meni,

Kim, rasvoyi dijam, avvalg‘ilarg‘a o‘xshamas.

 

Ko‘yining ehromidin ko‘nglumni man etmang yana,

Kim, anga azmu haram, avvalg‘ilarg‘a o‘xshamas.

 

Ey Navoiy, qilmi Jamshid-u Faridun vasfikim,

Shoh G‘oziyg‘a karam, avvalg‘ilarg‘a o‘xshamas.


Ushbu yakpora g'azalni nechta yulduzcha bilan baholaysiz?


Ma'lumot
15-Iyulda yuklangan

21 marta ko'rildi

0 kishi kutubxonasiga qo'shdi


Tayanch tushunchalar:
ko’ngul dard g’am oy hajr sitam rahm Shirin Layli husn sanam Farhod Majnun jabr alam yor
Muallif
Alisher Navoiy

Alisher Navoiy

(1441-1501) Hazrati Alisher Navoiy ijodi turkiy adabiyotning eng yuksak cho’qqisidir. Chunki hech kim unga qadar bu tilda bunchalik «ko’p va xo’b» (Bobur) yozmagan edi. Aytish mumkinki, undan keyingi salkam olti yuz yil ichida ham hech kim u kabi ko’p va yaxshi yozolgani yo’q. Navoiy barcha turkiy xalqlarning eng buyuk shoiridir. U o’zini «Xitodin to Xuroson»gacha yoyilgan turkiy «qavm»larning shoiri, deb bildi. Ularni bir adabiy til bayrog’i ostida birlashtirdi -«yakqalam» qildi. Buyuk shoir Xurosonda, uning poytaxti Hirotda yashab ijod etdi.

Batafsil


Yangi Yakpora g'azallar Alisher Navoiy Yakpora g'azallari Alisher Navoiy asarlari