Sahifa yuklanmoqda . . .


Ko‘nglingda nima bor

Taqdirga tan kerak-ku, ammo,

Gohida o‘zimga sig‘mayman.

Ko‘nglimda bir tugun muammo –

Ko‘nglingda nima bor – bilmayman.

 

Bilaman kipriging har birin,

Chizaman ko‘zlaring tasvirin.

Vujuding qo‘ynimda, asirim,

Ko‘nglingda nima bor – bilmayman.

 

Bilaman qaysi rang yoqishin,

Nigohing aytadi xohishing.

Uyqumda taniyman tovushing,

Ko‘nglingda nima bor – bilmayman.

 

Bilaman, labingda boling bor,

Zulfingda necha tor tolang bor.

Bilaman, qayerda holing bor,

Ko‘nglingda nima bor – bilmayman.

 

Dildorim deyinmi, dilbarim,

Behuda yurakni tilganim.

Bir puldir dunyoni bilganim –

Ko‘nglingda nima bor – bilmayman.

 

1999


Ushbu she'rni nechta yulduzcha bilan baholaysiz?


Ma'lumot
19-Iyunda yuklangan

9 marta ko'rildi

0 kishi kutubxonasiga qo'shdi


Tayanch tushunchalar:
taqdir tugun kiprik ko'z vujud ko'ngil
Muallif
Iqbol Mirzo

Iqbol Mirzo

Iqbol Mirzo (Iqboljon Mirzaaliev) 1967 yil, 1 mayda Farg'ona viloyati, Bag'dod tumaniga qarashli Qo'shtegirmon qishlog'ida tug'ilgan. O'zbekiston halq shoiri (2005). «Shuhrat» medali bilan taqdirlangan (1999).

Batafsil


Yangi She'rlar Iqbol Mirzo She'rlari Iqbol Mirzo asarlari